شروط الاستخدام

آخر تحديث: ٢٦ أغسطس ٢٠٢٦

استخدام الاستيكرز

الاستيكرز اللي في ظريف تقدر تستخدمها في محادثاتك الشخصية زي ما تحب. اللي مش مسموح: تبيعها، أو تحطها في تطبيق تاني، أو تدّعي إنك رسمتها.

حقوق كل رسمة بتفضل للرسّام اللي رسمها. إنت بتاخد حق الاستخدام، مش الملكية.

الحساب

إنت مسؤول عن حسابك. لو حصل أي استخدام غلط منه، كلّمنا.

ممكن نقفل حساب لو اتستخدم في حاجة بتضر التطبيق أو المستخدمين التانيين.

الباكات والهدايا

كود الهدية بيتستخدم مرة واحدة بس. أول واحد يستلمه، الباك بتروح لحسابه.

الباكات اللي بتاخدها بتفضل مربوطة بحسابك، فتقدر توصلها من أي موبايل تسجّل دخول عليه.

التطبيق زي ما هو

بنعمل اللي علينا عشان ظريف يشتغل كويس، بس مش بنقدر نضمن إنه هيشتغل من غير أي مشكلة على كل موبايل وفي كل وقت.

ظريف بيضيف الاستيكرز لواتساب، بس واتساب مش تابع لنا. لو واتساب غيّر طريقة شغله، ممكن ده يأثر على التطبيق.

لو غيّرنا الشروط

لو عدّلنا الشروط دي، هنغيّر تاريخ آخر تحديث فوق.

كلّمنا

أي سؤال: hello@zareef.app